CHP-şi Goşaonuş Sthrateji: Xetselaşi Coxo Phri-Elişina Mualefeti

05.05.2015 Habertürk
Çeviren: İrfan Çağatay /
Orjinal Metin (tr-20.4.2015)

R. Tayyip Erdoğani phri cumhurbaşkani ivu, İqinaçxaşi ndğa Meclisis CHP-şi Grubiş oqobğala seiri bikom. Kemal Kılıçdaroğluk, çkar va mobundzinam, 10 theqiqeşi doloxe enni mtsika 20 fara “Recep Tayyip Erdoğan”-ya utkvalurthu. Ğoma arto CHP-şi gencğoneri na busiminthit Milliyetişi Ankaranuri mumesili Serpil Çevikçanik “fikiri gavui, Cumhurbaşkani çkar var elişinu”-ya mitzusi, him oqobğala kogomaşinu.
Disinapuşqule Kılçdaroğluşqala periscope-ite şurite na phit ar yayinis mquleşa koqobisinapit do muşeni Erdoğani var elişinit-ma do buqitxi. Ham cevabi momçu: “Fikiri dogavuna xetsalasti mutu va vutzvi. Varti AKP-şeni, varti Erdoğanişeni, varti Davutoğluşeni mutu var ptkvi, emuşeni ki Türkieşi problemepe hantepeşa çkvaneri ren. Oskidinoni ar Turkie, usquthi ar Turkie minonan. Goşaonuşi qampanya çkuni mtelişen dido eqonomi do demoqrasi mole mobiğaten. 17 milioni faqiri dobadonari na mionunanşeni. Ma-21-ani oştzanuraşi Turkies faqiroba va rthas!”
CHP-şi gencğoneris “PHolithiquri qabğapeşeni megimğizanna, him problemepe var aqatateni?”-ma do buqitxişi: “Var, va baqatar-ma do biçalişare. Ti çkimis var gyoqitxanşa, na va phi ar mutxa var emondvanşa va baqatare.”
 
Qai Getçqala
İdeologiuri-pholithiquri oqitxonepeşi qaphulani phlanişa memşaru do eqonomiquri meselepe/oqitxonepes mole moğmalu CHP-şeni nosoni ar sthratejisteri idziren. Xolo, fuqarape, talebepe, udulyelepe, emeqlepe, qredi etsxerepe, thaşeronişi madulyepe, mtsika ğirobate na içalişamanpe, maxaçkalepe, muelimepe, talebepeşeni çkva do çkva, mtsxade vaadepe na meçesti, oxitzoninen ki ipelu. Xetselaşi pharthiaşi msinapupe “tzqartoli solen dzirar?”-ya do, ham vaadepe na moitzondinuşeni na iqitxaman ignapinen.
CHP-k goşaonuşi gamagnapules qai-xeşa na oxitzoninen “sasialuri tere”-s gyobadzgams do goşaonuşi okadu xvala var, ham pharthia qvadzali qeleşen imendranen-ya do na uqathiğoramspes ar cevabiti meçams. Mara enni na meraği ikuman xususi Kyurduri Problemişeni na ntçaruman da zophonanpe na dobağine na va renti tzori ren.
Na golaptit dolonis, PHolişi Kartalis na ixeninu mitingişeni “goşaonuşi mitingis va nugvarthu”-ma ptkvidorthun, ğomaneri oqoxtima do meçkinala na mepşonumthişa cip daa otişuri na madziruti doptkva. CHP-k goşaonus soğuni qai ar getçqalate kogyotçqu.

Destek olmak ister misiniz?
Doğru haber, özgün ve özgür yorum ihtiyacı
Bugün dünyada gazeteciler birer aktivist olmaya zorlanıyor. Bu durum, kutuplaşmanın alabildiğine keskin olduğu Türkiye'de daha fazla karşımıza çıkıyor. Halbuki gazeteci, elinden geldiğince, doğru haber ile özgün ve özgür yorumla toplumun tüm kesimlerine ulaşmaya çalışmalı ve bu yolla, kutuplaşmayı artırma değil azaltmayı kendine hedef edinmeli. Devamı için

Son makaleler (10)

19.11.2024	Nihayet birilerinin beklediği ve umduğu gibi Devlet Bahçeli geri adım mı attı?
10.11.2024	Abdullah Öcalan’a sormak istediğim 20 soru
10.11.2024	Hasan Cemal ile söyleşi: Zamâne Diktatörleri
07.11.2024	Burak Bilgehan Özpek ile söyleşi: Bahçeli DEM Parti açılımından ne umuyor, ne bulabilir?
06.11.2024	Transatlantik: Trump nasıl kazandı? Türk-Amerikan ilişkileri nereye?
05.11.2024	Hatem Ete ile söyleşi: Bahçeli ile Erdoğan ayrışıyor mu?
03.11.2024	Fethullah Gülen öldüğüyle kaldı
01.11.2024	Ruşen Çakır ve Kemal Can ile Haftaya Bakış (239): Esenyurt Belediyesi’ne kayyum atandı - CHP ne yapacak?
30.10.2024	Transatlantik: ABD seçimlerine son 5 - Türkiye’de çözüm süreci tartışmaları İsrail’in İran’a cevabı
27.10.2024	Ertuğrul Özkök niçin Fethullah Gülen’i çok sevmişti?

19.11.2024		Nihayet birilerinin beklediği ve umduğu gibi Devlet Bahçeli geri adım mı attı?
22.09.2024		Ruşen Çakır nivîsî: Di benda hevdîtina Erdogan û Esed de
17.06.2023		Au pays du RAKI : Entretien avec François GEORGEON
21.03.2022		Ruşen Çakır: Laicism out, secularism in
19.08.2019		Erneute Amtsenthebung: Erdogans große Verzweiflung
05.05.2015		CHP-şi Goşaonuş Sthrateji: Xetselaşi Coxo Phri-Elişina Mualefeti
03.04.2015		Djihadisti I polzuyutsya globalizatsiey I stanovitsya yeyo jertvami. Polnıy test intervyu s jilem kepelem
10.03.2015		Aya Ankara Az Kobani Darse Ebrat Khahad Gereft?
08.03.2015		La esperada operación de Mosul: ¿Combatirá Ankara contra el Estado Islámico (de Irak y el Levante)?
18.07.2014		Ankarayi Miçin arevelki haşvehararı