Ham İslamistepe so gondunes?

08.08.2014 Vatan
Çeviren: İrfan Çağatay Aleksishi /
Orjinal Metin (tr-3.4.2012)

Ğoma  Boğaziçiş Universites, Murat Akanişi semineris pholithiqa na iqitxaman Mağala Lisansişi mamgurepeşqala, 1990-s na gamaxtudorthun “Ayet ve Slogan, Türkiye’de İslami Oluşumlar” coxoni kitabi çkimişen eqebitçqit do İslamuri oxoqanupeş jin ar qale oqobisinapit, ar qaleti ebutxozit. Buneburot oqosinapu, hatzişakis mupe goikturu heaş jin imphecanu.
Türkies İslamuri oxoqanupeşi 20 tzanaşen mole mutço na goinkturu doxmeli ar ağne kitabiş tema ren. Do ham kitabişi sumi otiepeti AKP, Güleniş Oxoqanu do Hizbullahi na orthasenti mele eladzin. Mquleşa ptkvatna majura mtelli partia, cemaati, grupi do brigadape ham sum notzopxeşi ğaris meşaskidun do ham daati haşo naonasen, haşo viduşur.

İslamcistepe Dovletişi Somei Renan?
Ar mamgure, andğaneri Türkies radiqal İslamistepe do devletiş qontaktepeşeni mu iduşurt-ya do miqitxuşi, dondra ham temaş jin ar mutxape otçaru guris miğun-ma, do na elebişini tçara çkimi hatzi na iqitxamt ham notçare ren. Semineristi na ptkvidorthunsteri, Suriyes na ivenpe ham qitxalaş coğabi meçamuşeni epto memişveşanen. Haşo, ham ndğalepeşakis İslamuri kianaşi ar dido sthratejiquri problemişeni aini mutxape na zophonthes, arto na xareketi ikumthes Türkienuri radikaluri İslamistepeş şkas Suriyeşi problemiş gurine mçxuşa gamiqates, gamaqatu mele keladvit, koqişiresti. Daa mtsika na ren ar grubi Beşşar Esadiş rejimi mxuci meçamsnati, rejimi genomskinuşeni galendo mudaale ditçirs na zophonpeşi nena daa mboli gamulun. Hani dido qoçi renannati AKPşi hukyumetiş paraleli na iduşunanpeti epei dido ren.
Mudaale na unonanpek Esadiş rejimişi zulmi mole moğaman çi, ham thimbis malzeme odziramu zori va ren. Mara zalimobate Esadi na golvalu Saddam Huseinişi rejimi genomskinuşeni galendo mudaale na var unthu, mudaales na golugutes, sozmesali Türkiye Iraqişi evqişi noxmare mo iverthas-ya do gzalepes na gibğes qoçepeşi didope andğaneri ndğas hem mudaale, hem do Ankaraşi aktivi roli na unon, dido oseironi ren.

Na icginu Qvazali-Na Ocginu İslamistoba
Miti qabaati eonu guris va miğun, ham haqo mutçote goinkturu, hea oxotzonuşeni biçalişam. Miti qabaati eonu guris va miğun, ham haqo mutçote goinkturu, hea oxotzonuşeni biçalişam. Hakole boztqedatşi iptineri Kyorfeziş Qrizişi oras qvazali do hatzineri İslamisthepe oqozumu maxmaranen. Globalurot na cginu Qoda meoxvesşqule tescili na iyu qvazali tişa na malu travmaş gurine Kyorfeziş Qrizis qaixeşa ointhaludorthun. Le Monde Diplomatiqueşi editori Alain Greshi qala na phit oqosinapus “İptineri fara globali ar qrizis nam manebra çkimi mutçoşi tavri etçopasen va gemazaden”-ya na mitzudorthun phothe va gomotçqondasen.
Mondo, hamuş megamuri ar xali andğaneri İslamisthobasti kuğun; buneburot didi ar çkvanobate: Çku Maqvazalepe na bicginitşeni manthalesdorthun, İslamisthepeti do na ocginesşeni. Dido sphekulatifi ren, ho ama muqo tzana ren muhalefetis na moixves, lethaştudes na meşathobes İslamisthepek birdemşi xetsalaşa extesşkule abandales-ma biduşur. Hemuşeniti Suriyeşa mudaaleşi gotzancğoneri İslamisthepek, miçkin ki didopek ham zmonape çkimişeni guri muxtanen, matkvenan ki, açkva xetsalaşi nenate na isinapaman.
Hakolen botzqedatşi, Ahmet Davutoğlus na bdziramt do bazepe dido na goşaşums do guri na muonams kturti daa qolai oxomatzonanen. Dido ora ren ipti Ameriqa do uqaçxe Yulvuri xunelepe şupeli na dvatzonerthes Davutoğlu, ham prosesis daa maçvale do unon var unon “mualifi” ar nena uğurthu. Ama Obamaş maktalobaşqala Washingtonik hemuşkala “duşmani” var do “magverderi”-ya do otzqomilu gyotçquşi tzori Davutoğlu qala koqiçines.

Mquleşa, Suriyeşi oqoşirupe motziraman ki, İslamistobaşi guris sistemi (opaşi do globali) goludginu var, sistemiş gale doskidu var unon do şkagurişa mebargu na unon ar oxoqana na ren motziraman, qaiti iven.

Destek olmak ister misiniz?
Doğru haber, özgün ve özgür yorum ihtiyacı
Bugün dünyada gazeteciler birer aktivist olmaya zorlanıyor. Bu durum, kutuplaşmanın alabildiğine keskin olduğu Türkiye'de daha fazla karşımıza çıkıyor. Halbuki gazeteci, elinden geldiğince, doğru haber ile özgün ve özgür yorumla toplumun tüm kesimlerine ulaşmaya çalışmalı ve bu yolla, kutuplaşmayı artırma değil azaltmayı kendine hedef edinmeli. Devamı için

Son makaleler (10)

10.11.2024	Abdullah Öcalan’a sormak istediğim 20 soru
05.11.2024	Hatem Ete ile söyleşi: Bahçeli ile Erdoğan ayrışıyor mu?
03.11.2024	Fethullah Gülen öldüğüyle kaldı
01.11.2024	Ruşen Çakır ve Kemal Can ile Haftaya Bakış (239): Esenyurt Belediyesi’ne kayyum atandı - CHP ne yapacak?
30.10.2024	Transatlantik: ABD seçimlerine son 5 - Türkiye’de çözüm süreci tartışmaları İsrail’in İran’a cevabı
27.10.2024	Ertuğrul Özkök niçin Fethullah Gülen’i çok sevmişti?
24.10.2024	Altan Tan ile söyleşi: Kim çözüm istiyor, kim istemiyor?
24.10.2024	Transatlantik: TUSAŞ saldırısı, Öcalan’ın mesajı ve “çözüm süreci” - ABD seçimlerine son 12 - Fethullah Gülen’in ölümü
23.10.2024	Gazeteci Ahmet Dönmez ile Fethullahçılığın geleceği üzerine söyleşi: "Bu yapıyı dünya-daki hemen her sıklet merkezi yönetmek isteyecektir”
22.10.2024	“Mahrem yapı”yı yakından takip eden eski bir Fethullahçı’nın öngörüsü: "Başa Abdullah Aymaz geçer, ama esas lider Mustafa Yeşil olur”

10.11.2024		Abdullah Öcalan’a sormak istediğim 20 soru
22.09.2024		Ruşen Çakır nivîsî: Di benda hevdîtina Erdogan û Esed de
17.06.2023		Au pays du RAKI : Entretien avec François GEORGEON
21.03.2022		Ruşen Çakır: Laicism out, secularism in
19.08.2019		Erneute Amtsenthebung: Erdogans große Verzweiflung
05.05.2015		CHP-şi Goşaonuş Sthrateji: Xetselaşi Coxo Phri-Elişina Mualefeti
03.04.2015		Djihadisti I polzuyutsya globalizatsiey I stanovitsya yeyo jertvami. Polnıy test intervyu s jilem kepelem
10.03.2015		Aya Ankara Az Kobani Darse Ebrat Khahad Gereft?
08.03.2015		La esperada operación de Mosul: ¿Combatirá Ankara contra el Estado Islámico (de Irak y el Levante)?
18.07.2014		Ankarayi Miçin arevelki haşvehararı