Muşeni “biji Erdoğan”-i vardovana “biji Davutoğlu” var ivu?

23.11.2014 Habertürk
Çeviren: İrfan Çağatay Aleksishi /
Orjinal Metin (tr-20.11.2014)

Cengiz Çandarik Surucis na ntçaru ğomaneri notçare muşi haşo moqitçqudorthun: “Serişi mtzqupi na tçqidums uçağiş xomape diguruşi, jvaleri kyonaş tude hek hak na oqiqorobes Surucurepeş doloxe xeleba godgutu; hentepeşi ar mitxanik ‘Biji Obama’-ya (Skidas Obama) do gamicoxu. Majurani ‘Her Biji Obama’-ya (Bravo Obama) do mğoru. Urfaşen arto na moptit ar megobarik, ‘amtsikaşqule bumba othqomilus geitçqasen’-ya, irote haşo iven. İpti ar ovi golaputxunan. Mondo so na geçanen nisimadaman. Uqule mesimaderi svanepe geçaman.”
Na dziremtsteri, Kobanişi oxobadzguten na domagures “Biji Obama” sloganepeşi qapu’ulas didi qomphlope ogorumu mutu var irgebun. Kobanis (IŞ)ITz-şi gecginu na var unonanpe, noğa duşmanişa na çums xuneli miti rthasen rthas  hemus xe oqutçapxuman. Haşoti itkven ham na gimeselit; IŞITz-ik jur tutaşen doni noğa kogvaludorthu, Kurdepek haya xe guri moqaçeri ondzğonepeşen uxosarthes do ham Kurdepes “Biji Erdoğan” vardovana “Biji Davutoğlu” atkverthes. Mara Ankaras getçqapaşen doni, (IŞ)İTZiti, PYD/YPG’ti, hantepeşqala na nuntsxun KCK/PKQti, AATz na gotzvancğonu internasyoneluri qoalisyoniti do soğuni, hantepeşen gamatzqedaşi Kobaniti tzori var aqitxu.
 
İPTİ GOSİLAXU UQULE SİLAXEPE GOTZOĞMALU
 
Tzori na var aqitxes ham prosesi “Getzqaluşi prosesi”-ti 6-7 Tzilvas na ivupeten oxovotzonamt ki, varovapuri etkepe na uğun madziran. Entxozi, ğoma na elevişinisteri hukyumeti Kobanişeni çkvaneri ar pholithiqa naonuqo Türkieşa silaxepe methqoçan do na igzalanerthu PKK-şi silaxoni xunelepeşi gverdalitzi na doskidu gamovati yintçinaserthu. Na moptit thimbis, “Getzqaluşi prosesi”-şi iptineri nogure na ren “PKK usilaxe meşkvinapu” oşkendani orapes mentçişu peği va nişoninen. Va nintçuşenşqule, hemuşi gokteri ar xalis ren: Suriye do Iraqis (IŞ)ITz-işi texdidik, silaxepe meşkvineri var do tzoxleşen qai silaxepete gosilaxeri ar PKK yoçkindu.
Ham heşo qolai var ivasen. Asti, Ankaraşi doxmeluro Kobani, generaluro Rojavaşi temaşeni enni didi şkurina, PYD/YPG-k (IŞ)ITz gyojginasişi PKK-s menceli na meçasenşeni uğun. Hayati “getzqaluşi prosesi”-s na ren xunelepeş entza-gentza PKK qale qaixeşa gyatzonen.
Phia hatzişqule Rojavas Ankaraşi şkurina do mezmonupe goloğmaluşeni formulepe idziraseni? Ho, Kobanişa peşmergepe iones do Iraqişi Kyurdistanişi Svaluri Xetsalati (IKSX) dulya keluşveles do soğuni PYD-şi menceli nuqvates. Mara haya Ankaras var ubağun. Egizila Başbakani Davutoğluk na etzuğarudorthunsteri “getzqaluşi prosesi”şi % 100 prosenthi “svaluri” na ivasen unonanna, hukyumetik kyurdepes, doxmeluro Kobanis, generaluro Rojavas “galeni” xunelepe na var uqoromansteri motzopxuşi ren.
Hamuşi qarari meqvatuşi boret: Reisicumhuri Erdoğanişi Turki xalqiş ozmonu ekseri na motzondun “Kobani muşeni beciti ren? Çku mu zori miğunan haqo?”-steri notkvalepe dido Kyurdik va motzondun, raatsuzi tzopxums. Kobanis icengerthasşqule na ğures oxorca-komoli ağnemordalepeşi Turkieşi otxo qale na moseles cenazepe do sivilepeşi muqo ndğa ondzğonepes mtçqeşi na xenanpeşa  oxovotzonamt ham haşo na ren.
 
XALQİŞİ GETZOPXALAŞİ PROBLEMİ
Soğuni, PKK-şi qirsalis na uğun silaxoni xunelepeşen dido noğapeşi şkagurepes na ren milisi getzopxalape hukyumetişeni daa oşkurinoni problemi na idziren, meserya na itkven “xalqişi nizami”-ya do gamatsxadupeşen ignapen.
Ham svanis, spekulasyonepe na ixeninu YDG-H coxoni “ağnemordaloba”-şi getzopxala Qandili do İmralişi pazarobaş menceli na mundzinu qabuli oxenoni boret.
Qandilişen nosi na unthalams gamatsxadupe moxthuqoti juri qalek “getzqaluşi prosesi” na doskidu svaşen meonuşeni na oqindves ignapinen. Egere juri qales artikarti na naaceanensteri  gza kogyatzopxanna, metçireli na idziren  qathathirepeşe meolva pha dido qolai ivasen. 

Destek olmak ister misiniz?
Doğru haber, özgün ve özgür yorum ihtiyacı
Bugün dünyada gazeteciler birer aktivist olmaya zorlanıyor. Bu durum, kutuplaşmanın alabildiğine keskin olduğu Türkiye'de daha fazla karşımıza çıkıyor. Halbuki gazeteci, elinden geldiğince, doğru haber ile özgün ve özgür yorumla toplumun tüm kesimlerine ulaşmaya çalışmalı ve bu yolla, kutuplaşmayı artırma değil azaltmayı kendine hedef edinmeli. Devamı için

Son makaleler (10)

10.11.2024	Abdullah Öcalan’a sormak istediğim 20 soru
05.11.2024	Hatem Ete ile söyleşi: Bahçeli ile Erdoğan ayrışıyor mu?
03.11.2024	Fethullah Gülen öldüğüyle kaldı
01.11.2024	Ruşen Çakır ve Kemal Can ile Haftaya Bakış (239): Esenyurt Belediyesi’ne kayyum atandı - CHP ne yapacak?
30.10.2024	Transatlantik: ABD seçimlerine son 5 - Türkiye’de çözüm süreci tartışmaları İsrail’in İran’a cevabı
27.10.2024	Ertuğrul Özkök niçin Fethullah Gülen’i çok sevmişti?
24.10.2024	Altan Tan ile söyleşi: Kim çözüm istiyor, kim istemiyor?
24.10.2024	Transatlantik: TUSAŞ saldırısı, Öcalan’ın mesajı ve “çözüm süreci” - ABD seçimlerine son 12 - Fethullah Gülen’in ölümü
23.10.2024	Gazeteci Ahmet Dönmez ile Fethullahçılığın geleceği üzerine söyleşi: "Bu yapıyı dünya-daki hemen her sıklet merkezi yönetmek isteyecektir”
22.10.2024	“Mahrem yapı”yı yakından takip eden eski bir Fethullahçı’nın öngörüsü: "Başa Abdullah Aymaz geçer, ama esas lider Mustafa Yeşil olur”

10.11.2024		Abdullah Öcalan’a sormak istediğim 20 soru
22.09.2024		Ruşen Çakır nivîsî: Di benda hevdîtina Erdogan û Esed de
17.06.2023		Au pays du RAKI : Entretien avec François GEORGEON
21.03.2022		Ruşen Çakır: Laicism out, secularism in
19.08.2019		Erneute Amtsenthebung: Erdogans große Verzweiflung
05.05.2015		CHP-şi Goşaonuş Sthrateji: Xetselaşi Coxo Phri-Elişina Mualefeti
03.04.2015		Djihadisti I polzuyutsya globalizatsiey I stanovitsya yeyo jertvami. Polnıy test intervyu s jilem kepelem
10.03.2015		Aya Ankara Az Kobani Darse Ebrat Khahad Gereft?
08.03.2015		La esperada operación de Mosul: ¿Combatirá Ankara contra el Estado Islámico (de Irak y el Levante)?
18.07.2014		Ankarayi Miçin arevelki haşvehararı