Öcalanik Demirtaşi kogoluğarui? Goluğaraseni?

05.03.2015 Habertürk
Çeviren: İrfan Çağatay /
Orjinal Metin (tr-4.3.2015)

Ipti, Cumhurbaşkani Erdoğanik, uqule Başbakani Ahmet Davutoğlu do Başbakanişi memşvelu Bülent Arınçik, HDP-şi mamendza-generaluri Başkani Selahattin Demirtaşi, 28 Qunduras na gamignapinu Abdullah Öcalanişi silaxepe naşkvit-ya do çinadva muşi, va duceru-ya do thela kogedves. PHolithiquri xetsalak, Demirtaşi peği qai na var utzonun hamuşa tzoxleni çkva do çkva vesilepete (entxozi 6-7 Gumas na ivupe) qaixeşa koxomotzonapesdorthun. Mara hatzineri xali, jur nedzedziş gurine çkvaneri ren:
1- Goşatsxunupeşa 100 ndğaşen mtsika ndğa doskidu. Eni na nizmoninen osinaponi, HDP baraji mealaseni varna var. Ham goşatsxunus pharthiaşi mtelişen didi ar qoziti dondra Demirtaşi na renşeni, ham soişi meqixupe çkva becitoba didven.
2- 6-7 Gumaşqule motveri-meşanpuleri mole na moiğinu Demirtaşik Kandili do Öcalani zoris kodolothqoçistheri idiape (othi uqule başbakanişi memşvelu Yalçın Akdoğanik na ivupe İmralis na uçkithu gamatsxadu do hantepe moivarudorthu) ham seferi çkva umpulu nuqupeşen gyulun. Arınçik Demirtaşişeni “proje”-ya do na elişinams xvalati dubağun.

ZANAŞİ ENTXOZİ
Ho do mtilane Demirtaşi phia “proje” divasthui? Öcalani goludgitas do HDP çkva do çkva ar qulvarişa aonaserthui? Gontzqaluş phrosesi gza muşişa gmaonaserthui? Ham noqitxepeşen gebotçqat do nodudenişa na ebontçit juri oqitxoniti magidas keeboncirat: “Öcalanik, Demirtaşi kogoluğaraserthui? Goluğaraseni?”
İpti, pholithiquri xetsalaşi mtelişen jini coxope, Öcalani haqu na oprandinaman,  ar do ogine Erdoğanik “Ma borthiqo gotzoboqidarthu”-ya na zophonthuti kelevişinatşi, opxasinoni na ren mole moğmaluşi voret. Majuranot Öcalanik, Demirtaşi  qai var utzonunna, haya, pholithiquri xetsalaşi akthorepeten var, dondra, sozmesali İmralişa na ides HDP-şi vekilepete, heyetis xolos na elaqatu do hukyumetiş gomorgvapes “Demirtaşişi althernativi”-ya do na içininen Hatip Dicle vardovana na nacoxes oxorqoçepe muşite aserthu.
Öclanik 1999-şen doni PKK-şi do legaluri pharthiapeşi oktaluş meqanizmape xe muşite na mudaxale oğodu, ar orapes Gyulvanurepe sva çkimişeni xazirums-ya na afikirethu Leyla Zanas na goludgitu do çkva komiçkunan. E do soğuni teoriten HDP-şi oktalas mudaxili ivuqo iven. İmraluri heyethişi meserya nacoxasen do ham gzateti hastheri müdaxalepe daati na iqolau tolis madzinan.
Başka soişi ptkvatna, Öcalanik, Demirtaşi kogoluğaru va domatzonen, mara komangonasna na golvağarasenti ketzevuğarat. Öcalani, muqo tzanape gzas na gyodginu mucadeleşi xilape Gontzqaluş PHrosesite do koren-ya na zophonan oqosinapuşi qathathiris otzilu gyotçqamthaşa, oxoqana muşilen ar mitxa haya sabote var oxenapasen moro. Hele Arınçi mole na moğustheri Demirtaşi ar “proje” na ren iduşunamsna zorbi ar mudaxale aserthu.

MAGİDAS MENCELONİ OVAPU
Öcalani, HDP muqoti menceloni orthasen oqosinapuşi magidas xe muşiti ar hiqu menceloni na rthasen nosi na muğasenşuqu ndğa dzirameri do dulya na uçkin ar pholithiqaşi qoçi ren. Mtel varovapuri do çetini dulyape moithqoçes do Cumhurbaşkanişi goşatsxunupes reepeşi %9.8 phrosenthi na etçopu Demirtaşişi gotzancğonerobate HDP-k, ham opaluri do qomathuri qonjonkthuris baraji golvala do menceloni ar xalite Meclisişa amolvaşi ixtimali na mandzinenti mondo adziren. Soğuni, Öcalanik goşatsxunupeşa haqo mtsika ora doskuduşi, Demirtaşişi iktibari gondinuşeni adumepe na medgasen ovapuri va ren.
Ho do Demirtaşi proje reni? 2007-şi tzans DTP-şi doloxendo na viçinam ar qoçik ma, “Nurettin do Selahattin Demirtaşi cumalepe qaixeşa fikiri giğurthas. PHarthiaşi tişa hani juritişe ari golaxtasen”-ya mitzudorthun. Himdos Nurettini 35, Selahattiniti 34 tzaneri orthes. Mutço haqu emini re-ma do buqitxişi, “Öcalani hişo unon do emuşeni”-ya do nena gomiktudprthun. Çkva mutxa oqitxuti va domatçirudorthun.
Mquleşa: Ma na miçkin Selahattin Demirtaşi Abdullah Öcalanişi ar proje ren.

Destek olmak ister misiniz?
Doğru haber, özgün ve özgür yorum ihtiyacı
Bugün dünyada gazeteciler birer aktivist olmaya zorlanıyor. Bu durum, kutuplaşmanın alabildiğine keskin olduğu Türkiye'de daha fazla karşımıza çıkıyor. Halbuki gazeteci, elinden geldiğince, doğru haber ile özgün ve özgür yorumla toplumun tüm kesimlerine ulaşmaya çalışmalı ve bu yolla, kutuplaşmayı artırma değil azaltmayı kendine hedef edinmeli. Devamı için

Son makaleler (10)

15.12.2024	11 soruda, YPG ya kendini fesheder mi ya da feshedilir mi?
15.12.2024	Murat Yetkin ile söyleşi: Meraklısı İçin Ortadoğu Kitabı
08.12.2024	Hamas, Hizbullah ve Esad: İran’ın “Direniş Ekseni” tarihe karışırken
06.12.2024	Behlül Özkan ile söyleşi: 1982’deki Müslüman Kardeşler’in Hama ayaklanmasından bugüne
04.12.2024	Murat Özçelik ile söyleşi: Türkiye Suriye’de ne yapabilir? Ne yapmalı?
04.12.2024	Transatlantik: Suriye’de neler oluyor? Neler olabilir?
02.12.2024	Eski PKK yöneticisi Nizamettin Taş: "PKK’nin Öcalan’a bağlılığı özde değil, ağırlıklı olarak sözdedir”
01.12.2024	RTÜK İslam dinini kurtarabilir mi?
27.11.2024	Transatlantik: Lübnan’da ateşkes - Ukrayna savaşında son durum - Trump gün sayıyor
24.11.2024	Kürt realitesi, Kürt sorunu realitesi, Kürt siyasi hareketi realitesi

15.12.2024		11 soruda, YPG ya kendini fesheder mi ya da feshedilir mi?
22.09.2024		Ruşen Çakır nivîsî: Di benda hevdîtina Erdogan û Esed de
17.06.2023		Au pays du RAKI : Entretien avec François GEORGEON
21.03.2022		Ruşen Çakır: Laicism out, secularism in
19.08.2019		Erneute Amtsenthebung: Erdogans große Verzweiflung
05.05.2015		CHP-şi Goşaonuş Sthrateji: Xetselaşi Coxo Phri-Elişina Mualefeti
03.04.2015		Djihadisti I polzuyutsya globalizatsiey I stanovitsya yeyo jertvami. Polnıy test intervyu s jilem kepelem
10.03.2015		Aya Ankara Az Kobani Darse Ebrat Khahad Gereft?
08.03.2015		La esperada operación de Mosul: ¿Combatirá Ankara contra el Estado Islámico (de Irak y el Levante)?
18.07.2014		Ankarayi Miçin arevelki haşvehararı