Ankaras Açkva Oxoşkveri Kyurdistanişen Muşeni Var Aşkurinen?

14.07.2014 Vatan
Çeviren: İrfan Çağatay Aleksishi /
Orjinal Metin (tr-5.7.2014)

Didopesteri mati, Ameriqak 2003-is Irağışa amaxtuşqule Oinetis na eçkindu Kyurdistani Svaluri Maktaloba (KSM) oxoşkveri Kyurdistanişi iptineri noquçxeni-ma do vizmonthi. IŞITzi (Iraği-Şami İslamuri Tzalona-ağne coxo muşite ITz - İslamuri Tzalona) Musulişi xamlete  na gyotçqu oqopaşuşqule Kyurdepe zathi na uğurthes oxoşkveri tzalonaş fikri qaixeşa daçxuri adu. Hişo adu ki, 2014 phri içoda oxoşkveri Kyurdistaniş tzalonaşqala mandzageri bivatensteri idzin.
Oseironi ren, xolosepes Irağis Kyurdepek oxoşkverobaş gamacoxinus ipti na goludgitaserthu menceli Turkie ren-ya itkvinerthu. Hayaş gurişeni muqo tzana ren, Washingtonik Ankaras oxoşkveri Kyurdistanişeni iqna oxenuşeni thqobaşa do umpulu intçişen-ya zophonthes. Na moptit thimbis Ankara, Erbilik oxoşkveroba gamicoxasna qai na var atzonasen tzlonapeş listhes enni tude doskidun. Va mepşonum ki haya “Ameriqaşi proje ren”. İrağişi Kyurdepeşqala petroliş meacupe do qaphethi eqonomiquri qontakthepe dido beciti rennati , hanişeni xvala Turkies fikri na gvankturuti va mepşven.

Öcalanişi Roli
Ankaras “oxoşkveri Kyurdistani”şen atxeneristeri var atsilen, otsilu mele eladvi, ora muşi moxtasi guriti na gundums pozisyonepe etçopums, hamuşi nedzedzi Turkies na skidunan Kyurdepe oxoşkveri ar tzalona gedguşeni ananqeni var uğun do hemuşeni. Kyurduli pholithiquri Oxoqana (KPO) haqo menceloni ren mara çkvaneri tzalona gedgaluş fikri meqbuli muşeni na var idzirenti Abdullah Öcalanis do daa didoti İmralis molvoxunesşqule na ordu fikrepes ogoruşi voret.
Mşuns, ipti Öcalani “opa-tzalona”-ş fikri na uqathiğorams ozmonupe takiyyesteri na adzirthuşeni peği uci va meçamthu. Mara hemu pozisyoni muşi quçxe mebadzgeri na şinaxuşeni, Turkienuri Kyurdepeşeni “demoqrathiquri otonomi”, qomathis na skidun mtel Kyurdepeşeniti “demoqrathiquri qonfederalizmi”-şi fikrepe molaşinu do soğuni KPO-şi gurigedvalerepeşi aras oxoşkvinerobaşi fikrepe manişa dimarjinalu.
Öcalani ham ozmonuri ktura tişa va mvaluqo KPO andğaneri menceli muşişa naxolinaserthui, haya va maçkinenan. Mara egere Öcalani do himuşi paralelurot KPO oxoşkvinuşi ğaris naonuqo, Ankarak Irağis oxoşkvei ar Kyurdistani gedgalu goladginuşeni xeşa na malen irituli pha var aserthui.

Hatzişqule...
Mutu otkvalu va ditçirs, nufusi do sosyaluri, eqonomiquri do qulthuruli toliten gamaphtzqedatşi Kyurdepeşeni enni beciti tzalona Turkie ren. Hamuşeni Irağis oxoşkveri ar Kyurdepeş tzlona kodidgaşqule Turkienuri Kyurdepe mutu sthatu var uğurthanşa mcveşebura na naonanen xoşi miti va meşonums. Mtzeape na ptkvidorthunstheri, oxoşkveri Kyurdistani kodidgasna, buneburot Turkieşi Kyurdepeş aras çkvaneri ar devleti gedgaluş fikri xolo goqutsxasen.
Egere Turkieşi opaşu var unonanna otzuranuş phrosesi, Kyurdepe razi na ianen ar sthatu na geitzopxinasenstheri manişa oçodinuşi ren; mteli hantepe ixeninarthaşa İraği, Suriye do İranişi Kyurdepeti ixesaphinasen do.
Soğuni, Turgut Özalişi oraşen doni na mole moiğinen do ham ndğalepeti  xolo qorca phophuleri na ivu “Turkiye qomathis Kyurdepeşi maçvale rthas”-ya do moloşinale qai qai omtçipaloni voret. Ağani cinsişi gamaxoqu na gvoşinams ham molaşinale çkar mamendzalace varen, do xolo omtilanuşi ixtimali na varuğun ar fikri ren, ma haşo vizmor.
“Turkepek Kyurdepes didi cuma/da” mo aerthan, hemuş svas, Turkies  na skidunan Kyurdepeşeni majura tzalonapes na skidunan Kyurdepeşqala mamendza masonis, cumalobaş qorvape omencelu na moluşinasen heqo zori reni Turkieşeni?

Destek olmak ister misiniz?
Doğru haber, özgün ve özgür yorum ihtiyacı
Bugün dünyada gazeteciler birer aktivist olmaya zorlanıyor. Bu durum, kutuplaşmanın alabildiğine keskin olduğu Türkiye'de daha fazla karşımıza çıkıyor. Halbuki gazeteci, elinden geldiğince, doğru haber ile özgün ve özgür yorumla toplumun tüm kesimlerine ulaşmaya çalışmalı ve bu yolla, kutuplaşmayı artırma değil azaltmayı kendine hedef edinmeli. Devamı için

Son makaleler (10)

06.04.2025	Erdoğan’ın CHP ile ilgili hiçbir hesabı tutmadı
30.03.2025	Erdoğan insanların ne gönüllerini kazanabiliyor, ne de gözlerini korkutabiliyor
28.03.2025	Haftaya Bakış (260): Boykotun sonuçları | Maltepe mitingini beklerken
27.03.2025	Transatlantik: İmamoğlu operasyonu ABD'den nasıl görülüyor? | Hakan Fidan'ın ABD temasları
27.03.2025	CHP’nin boykot çağrısı niçin başarılı oldu?
26.03.2025	Erdoğan’ın CHP ve Özgür Özel öfkesi
26.03.2025	CHP kendisini aşıyor
25.03.2025	İmamoğlu operasyonu ile çözüm süreci arasında bağ var mı? Hamit Bozarslan yorumladı
25.03.2025	Özgür Özel mucizesi
24.03.2025	Erdoğan’ın on yanlış hesabı ve bundan sonrası için beş tespit

06.04.2025		Erdoğan’ın CHP ile ilgili hiçbir hesabı tutmadı
22.09.2024		Ruşen Çakır nivîsî: Di benda hevdîtina Erdogan û Esed de
17.06.2023		Au pays du RAKI : Entretien avec François GEORGEON
21.03.2022		Ruşen Çakır: Laicism out, secularism in
19.08.2019		Erneute Amtsenthebung: Erdogans große Verzweiflung
05.05.2015		CHP-şi Goşaonuş Sthrateji: Xetselaşi Coxo Phri-Elişina Mualefeti
03.04.2015		Djihadisti I polzuyutsya globalizatsiey I stanovitsya yeyo jertvami. Polnıy test intervyu s jilem kepelem
10.03.2015		Aya Ankara Az Kobani Darse Ebrat Khahad Gereft?
08.03.2015		La esperada operación de Mosul: ¿Combatirá Ankara contra el Estado Islámico (de Irak y el Levante)?
18.07.2014		Ankarayi Miçin arevelki haşvehararı