Ekmeleddin İhsanoğluş jin Ozmonupe

11.07.2014 rusencakir.com
Çeviren: İrfan Çağatay Aleksishi /
Orjinal Metin (tr-11.7.2014)

Thokseri ar nobuci qonari maqazeteşqala, Pholis Taksimis ar otelis dotzulva ar oqomalaş odas HDP-şi malamkture tigemçanu do Cumhurbaşkanişi moşaşineri Selahattin Demirtaşişqala oqosinapuşi çalimi kobdziri. Ğomati Çirağaniş Saraişi Baloş Salonis medyaşi ar armias na usinapamthu CHP do MHP-şi otva-moşaşineri Prof. Ekmeleddin İhsanoğlu şurite osiminu qvas komematçaru.
Sotilen otzqedare otzqedi artikartişe gamaçkvaneri na renan Demirtaşi do İhsanoğlu artikartişqala oqozumu mutu na var ipelen komiçkin. Hemuşeni andğa Prof. İhsanoğluş jin na bizmonpe otkvalu xvala minon. (Demirtaşişqala na oqobisinapitdorthuşi ozmonupe çkimi ginonanna ham linkişen gaqitxenan: CHP çatıyı MHP değil de HDP ile çatabilir miydi?)

Ağne ANAPi do Özali-i?
Çirağanişa phri bidi, sosyaluri medyaşen İhsanoğluşi qampanyaşi slogani “Kovalişeni Ekmeleddini”, logo muşiti mdiqaş livadisteri Turkie na ren kodobiguri. Tzori muşi ptkvatna, juriti xolo “dido mcveşi” momixtudorthun. Mara, qampanyas zitha “kovali (Turkuli ekmek xolo oxaçku itkven)” “oropa oxaçku”, “oşinu oxaçku”, “artoba oxaçku”-steri verburi formepeten na ixmarinasenti oxobotzonişi fikri çkimi mtsika dikturu. Mara, ANAPişi buthqucon-çaçoni amblemi na gvoşinams mdiqaş livadiş logoşeni va matkven ki ozmonu çkimi gomakturu.
Asti ğomaneri aktiviteşi organizasyoni, İhsanoğluşi minoba do sthili, mtelişen becititi – na tkupeti Turgut Özaliş oraşi ANAPis dido gvoşinamthu. Mukti xolo osinapu muşis, heti do qitxalape coğabi meçamthuşqule Özalis dido fara do iroteti qaobate elişinu do referansi meçu.
Ham thimbis oqotzqimoderi sum mutxani oqitxu minon:
1) Andğaneri Turkies 1980-işi getçqapuristheri ar Özali do ANAPi dvatçini?
2) Dvatçinna İhsanoğlu hamus dubağuni?
3) Hasteri ar projes CHP muşeni do mutço dulya eindu, heti ham projeşi gemtzopxu mutço ivu?
CHP-şi reepe davaruşa cebis reni?
Gogaşinanen, Özalik 1970-oni tzanapeşi otxo meeli na oqoartudorthun mole moğamthu irote. Ham otxo meeliti şkaguri-madzgva (AP), nasyonalisthi-madzgva (MHP), mşinaxuri-madzgva (MSP) do şkaguri-qvazali (CHP) rthu. Tzana do tzanas ANAPişi doloxe nasyonalisthepe do mşinaxurepe bazi bazi artikartişqala na oqişires, baziti arto liberalepes na goludgites komadziresdothun, ama qvazali peği va midziramurthes. Ğomaneri oqomalasti nasyonalisthuri, mşinaxuri do liberaluri motifi do tkvalape korthu, ama mutço madzires do var aha CHP-ya do CHP na gomoşinanenstheri mutuksani va gotzomagu.
Haya mtini ren ki: CHP-şi maktale do gurigedvalerepeşi iptineri do bekiti arteği motivasyoni Tayyip Erdoğani Kyoşkişa var eoşku ren. MHP-şqala otva-moşaşineriş fikri haya omtilanuşeni arteği gza-ya do naoneran. Prof. İhsanoğlu ham profilis mtelişen na muxvadun ar mitxani na renşeni moines.
İhsanoğlu isinapamthaşati, ar mutxa uqitxanşi na meçams coğabepesti AKP-şi gurigedvalerepe do na goluxenanpe var aşkurinan, hentepes guri va malan-ya do dido upharitçams, hemuşeni ki mşinaxurepeşe rei etçopinuşeni na noums sthrateji haşo muxvadurthu. Ama ar do ham qale botzqedat: Erdoğanis na yudgin CHP-s na motzons ar goşamtsxunuk “Tayyib Bei, dido mcveşi do qai manebra çkimi ren”, “Kogoşomionanna istikrarişeni AKP do mteli pharthiapeşqala xeşa xe oqobaqnar”, “AKP-s var golobudgir”, “Andğa ma rei na momçespe 2015-şi goşaonupes pha AKP-s rei naçenan”-ya na zophons ar moşaşineris rei na meçasen mele eladzini?
Ham qitxalaşi coğabi ma va miçkin. Mondo ham goşaonuşi thişi didobaten, İhsanoğluşi qampanyas CHP qaphula na eqaskidasen qampanyas naqo apela do var apelasen, hea oxomotzonapanen, heşo idziren.

Mantçare: Ruşen Çakır
Lazurişa na Mejakturu: İrfan Çağatay Aleksishi

Destek olmak ister misiniz?
Doğru haber, özgün ve özgür yorum ihtiyacı
Bugün dünyada gazeteciler birer aktivist olmaya zorlanıyor. Bu durum, kutuplaşmanın alabildiğine keskin olduğu Türkiye'de daha fazla karşımıza çıkıyor. Halbuki gazeteci, elinden geldiğince, doğru haber ile özgün ve özgür yorumla toplumun tüm kesimlerine ulaşmaya çalışmalı ve bu yolla, kutuplaşmayı artırma değil azaltmayı kendine hedef edinmeli. Devamı için

Son makaleler (10)

10.11.2024	Abdullah Öcalan’a sormak istediğim 20 soru
05.11.2024	Hatem Ete ile söyleşi: Bahçeli ile Erdoğan ayrışıyor mu?
03.11.2024	Fethullah Gülen öldüğüyle kaldı
01.11.2024	Ruşen Çakır ve Kemal Can ile Haftaya Bakış (239): Esenyurt Belediyesi’ne kayyum atandı - CHP ne yapacak?
30.10.2024	Transatlantik: ABD seçimlerine son 5 - Türkiye’de çözüm süreci tartışmaları İsrail’in İran’a cevabı
27.10.2024	Ertuğrul Özkök niçin Fethullah Gülen’i çok sevmişti?
24.10.2024	Altan Tan ile söyleşi: Kim çözüm istiyor, kim istemiyor?
24.10.2024	Transatlantik: TUSAŞ saldırısı, Öcalan’ın mesajı ve “çözüm süreci” - ABD seçimlerine son 12 - Fethullah Gülen’in ölümü
23.10.2024	Gazeteci Ahmet Dönmez ile Fethullahçılığın geleceği üzerine söyleşi: "Bu yapıyı dünya-daki hemen her sıklet merkezi yönetmek isteyecektir”
22.10.2024	“Mahrem yapı”yı yakından takip eden eski bir Fethullahçı’nın öngörüsü: "Başa Abdullah Aymaz geçer, ama esas lider Mustafa Yeşil olur”

10.11.2024		Abdullah Öcalan’a sormak istediğim 20 soru
22.09.2024		Ruşen Çakır nivîsî: Di benda hevdîtina Erdogan û Esed de
17.06.2023		Au pays du RAKI : Entretien avec François GEORGEON
21.03.2022		Ruşen Çakır: Laicism out, secularism in
19.08.2019		Erneute Amtsenthebung: Erdogans große Verzweiflung
05.05.2015		CHP-şi Goşaonuş Sthrateji: Xetselaşi Coxo Phri-Elişina Mualefeti
03.04.2015		Djihadisti I polzuyutsya globalizatsiey I stanovitsya yeyo jertvami. Polnıy test intervyu s jilem kepelem
10.03.2015		Aya Ankara Az Kobani Darse Ebrat Khahad Gereft?
08.03.2015		La esperada operación de Mosul: ¿Combatirá Ankara contra el Estado Islámico (de Irak y el Levante)?
18.07.2014		Ankarayi Miçin arevelki haşvehararı